गणेशोत्सवापूर्वी मुंबई-गोवा महामार्ग खड्डेमुक्त होणार

-

चंद्रकांत पाटील यांचे अाश्वासन


पेण । मुंबई-गोवा महामार्गावरील खड्डे येत्या गणेशोत्सवापूर्वी भरले जातील असे आश्वासन राज्याचे सार्वजनिक बांधकाम मंत्री चंद्रकांत पाटील यांनी पेणजवळील वाशीनाका येथे महामार्गावरील खड्डे पाहणीच्या दौर्‍याच्या वेळी बोलताना दिले.
महामार्गाच्या रुंदीकरणाचे काम गेल्या सात ते आठ वर्षांपासून सुरू आहे. मात्र या महामार्गाची पुरती दुर्दशा झाली आहे. रस्त्यात खड्डे की खड्ड्यांत रस्ता अशी अवस्था झाली असून पूर्ण महामार्गावर चिखल व खड्ड्यांचे साम्राज्य पहायला मिळत आहे. त्यामुळे प्रवासी व जनता पूर्णपणे हतबल झाली आहे. जनतेतून तीव्र संताप व्यक्त होत असतानाही विरोधी पक्ष आणि त्यांचे नेते मंडळी गप्प बसले आहेत. या खड्ड्यांचा फटका केंद्रीय रस्ते मंत्री नितिन गडकरी यांनाही बसला होता. पेण व उरण येथे एका कार्यक्रमासाठी आले असताना नितिन गडकरी यांनी मुंबई-गोवा महामार्गाच्या दुरवस्थेबद्दल खेद व्यक्त केला होता. आणि लवकरात लवकर हे काम पूर्ण केले जाईल असे पत्रकारांशी बोलताना सांगितले होते. 

या दौर्‍याच्या पार्श्वभूमीवर मुख्यमंत्री देवेंद्र फडणवीस यांच्या आदेशानुसार काही दिवसांवर आलेल्या गणेशोत्वात कोकणात जाणार्‍या चाकरमान्यांच्या प्रवासात कोणतेही विघ्न येऊ नये यासाठी चंद्रकांत पाटील यांनी शुक्रवारी महामार्गावर खड्ड्यांचा पाहणी दौरा सुरू केला आहे. मुंबईपासून सुरू झालेल्या दौर्‍यावेळी रायगड जिल्ह्यातील पेण आणि वडखळ येथील रस्त्याची पाहणी करण्यात आली. यावेळेस मुंबई-गोवा महामार्गावरील खड्डे हे येत्या 5 सप्टेंबरपर्यंत बुजविण्यात येणार असून जून 2019 पर्यंत मेजर काम पूर्ण करण्यात येणार असल्याचे म्हटले आहे. तर सायन ते झारप 500 किमी अंतराच्या दरम्यानचे काम डिसेंबर 2019 पर्यंत पूर्ण करण्याचा प्रयत्न असल्याचे चंद्रकांत पाटील यांनी बोलताना सांगितले.
तसेच मुंबई-गोवा महामार्गावरील रुंदीकरणाच्या कामात येणार्‍या अडथळ्यांवर मार्ग काढण्यासाठी रस्त्याचे रिडिझाईन करण्यात येणार असल्याचेही त्यांनी सांगितले. यावेळी त्यांनी महामार्गावर पडलेले खड्डे व कामासंदर्भात राष्ट्रीय महामार्गाच्या अधिकार्‍यांची कानउघड केली. या दौर्‍यात त्यांच्यासोबत रायगड जिल्ह्याचे पालकमंत्री रविंद्र चव्हाण, भाजप जिल्हाध्यक्ष तथा आमदार प्रशांत ठाकूर, आमदार निरंजन डावखरे व राष्ट्रीय महामार्ग व बांधकाम खात्याचे अधिकारी संख्येने उपस्थित होते.

Comments

Post a Comment

Popular posts from this blog

राणा दाम्पत्याचा तुरुंगातील मुक्काम वाढला; बुधवारी होणार निर्णय

-
Image
मुंबई - खासदार नवनीत राणा आणि आमदार रवी राणा यांना पुढील दोन दिवस कोठडीतच काढावे लागणार आहेत. न्यायालयात निकालाचं वाचन पूर्ण न झाल्यामुळे सुनावणी पुढे ढकलण्यात आली आहे. बुधवारी या प्रकरणावर सुनावणी होणार असून निर्णय देण्यात येणार आहे. वेळे अभावी न्यायालयाला आज निर्णय देता आला नाही. तसेच उद्या ईदमुळे न्यालयाच्या कामकाजाला सुट्टी आहे. त्यामुळे पुढील सुनावणी बुधवारी होणार आहे. सामाजिक तेढ निर्माण केल्याप्रकरणी राणा दाम्पत्यावर कारवाई केली असून त्यांना अटक करण्यात आली आहे. मुख्यमंत्री उद्धव ठाकरे यांचे निवासस्थान मातोश्रीसमोर हनुमान चालिसा पठण करण्याचा इशारा राणा दाम्पत्याने दिला होता. सामाजिक तेढ निर्माण केल्याप्रकरणी खार पोलिसांनी राणा दाम्पत्याला अटक केली होती. खासदार नवनीत राणा आणि आमदार रवी राणा यांना न्यायालयीन कोठडी सुनावली असून रवी राणा तळोजा कारागृहात तर नवनीत राणा अर्थररोड कारागृहात आहेत. राणा दाम्पत्याच्या जामीन अर्जावरील सुनावणी पूर्ण झाली होती. न्यायालयात अंतिम निर्णयाचे वाचन सुरु होते. परंतु कामकाजाची वेळ संपल्यामुळे निर्णय पुढे ढकलण्यात आला आहे. यामुळे पुढील २ दि...
Read more

काळजी घ्या! देशात कोरोना संसर्ग पुन्हा वाढला

-
Image
नवी दिल्ली - देशात गेल्या काही दिवसांपासून दैनंदिन रुग्णसंख्या ३ हजारांवर गेली आहे. गेल्या २४ तासांत कोरोनाचे ३,१५७ नवे रुग्ण आढळून आले. तर २६ जणांचा मृत्यू झाला आहे. यामुळे देशातील ॲक्टिव्ह रुग्णसंख्या १९,५०० वर पोहोचली आहे. दिवसभरात २,७२३ रुग्णांनी कोरोनावर मात केली. दरम्यान, आतापर्यंत लसीचे १८९ कोटी २३ लाख, ९८ हजार ३४७ डोस देण्यात आले आहेत. देशात गेल्या आठवडाभरात कोरोना रुग्णसंख्येत ४१ टक्क्यांनी वाढ झाली आहे. पण दिलासादायक बाब म्हणजे मृत्यूसंख्या कमी आहे. देशात २५ एप्रिल ते १ दरम्यान २२,२०० नवे रुग्ण आढळून आले आहेत. याआधीच्या आठवड्यात १५,८०० रुग्णांची नोंद झाली होती. याचाच अर्थ गेल्या आठवड्यात रुग्णसंख्येत ४१ टक्क्यांनी वाढ झाली आहे. देशातील एकूण रुग्णसंख्येत दिल्ली, हरियाणा आणि उत्तर प्रदेशातील रुग्णसंख्येचे प्रमाण ६८ टक्के आहे. इतर राज्यांच्या तुलनेत दिल्लीतील रुग्णसंख्येत अधिक वाढ होताना दिसत आहे. दिल्लीत गेल्या आठवड्यात ९,६८४ रुग्णांची नोंद झाली होती. याआधीच्या आठवड्याच्या तुलनेत दिल्लीतील रुग्णसंख्येचे प्रमाण ५३ टक्क्यांनी अधिक आहे. याआधीच्या आठवड्यात दिल्लीत ६,३२६...
Read more

नवाब मलिकांची प्रकृती खालावली; जेजे रुग्णालयात उपचार सुरू

-
Image
मुंबई - कुख्यात गुंड दाऊद इब्राहिमच्या मालमत्तांशी संबंधित आर्थिक गैरव्यवहाराच्या आरोपांप्रकरणी अटकेत असलेले राष्ट्रवादी काँग्रेसचे नेते नवाब मलिक यांची प्रकृती ढासळली आहे. त्यांची प्रकृती गंभीर असून गेल्या तीन दिवसांपासून जे जे रुग्णालयात त्यांच्यावर उपचार सुरु आहेत. नवाब मलिक यांच्या वकिलाने कोर्टात सोमवारी ही माहिती दिली. नवाब मलिक यांचे वकील कुशल यांनी कोर्टात दिलेल्या माहितीनुसार, कुटुंबीय घरचं जेवण देण्यासाठी जेलमध्ये गेले असता त्यांची प्रकृती ढासळली असल्याचं समोर आलं. नवाब मलिक खूप आजारी असल्याचं सांगत कुशल यांनी कोर्टाकडे त्यांना खासगी रुग्णालयात हलवण्यासाठी परवानगी देण्याची मागणी केली. विशेष न्यायमूर्ती आर एन रोकडे यांनी तुरुंग प्रशासनाने नवाब मलिकांच्या प्रकृतीविषयी कोणतीही माहिती न दिल्याने तसंच त्यांना रुग्णालयात दाखल करण्यात आलं असल्याने काळजी व्यक्त केली. यानंतर कोर्टाने नवाब मलिकांच्या प्रकृतीविषयी तसंच तिथेच त्यांच्यावर उपचार केले जाऊ शकतात का यासंबंधी रुग्णालयाकडून सविस्तर अहवाल मागवला आहे. ५ मे पर्यंत हा अहवाल सादर करायचा आहे. नवाब मलिकांना वैद्यकीय जा...
Read more